Wednesday, June 27, 2012

Alikabok at Agiw

Matagal-tagal na din ang di ko pagsusulat dito sa blog natin, meron na ring mahigit dalawang linggo. Kung sisilipin pa nga natin eh noong ika-labingdalawa pa ng Hunyo o ang Araw ng Kalayaan ng mahal nating Pilipinas.

Bakasyun ko ngayon at inasahan ko na mas marami akong maisusulat at maibabahagi dito pero kabaligtaran ang nangyari.

Nag-enroll ako sa Action Research class sa De La Salle-Manila kaya't tuwing Huwebes ng gabi hayun, nakaupo ako ng tatlong oras mula alas-sais ng gabi hanggang alas-nuwebe. Syempre research class yon, sandamakmak na reading tasks ang gagawin ko duon. Ika nga ng propesor ko na madre, ang dami ng babasahin mo eh sya rin ang dami ng maisusulat mo sa iyong concept paper.

Okey na okey sana kung binata ako at sarili ko lang ang iniisip ko at responsibilidad ko. Pero hindi nga eh, ang dalawa kong anak na lalaki naka-homeschool kaya syempre hand-on ako pati na misis ko.

Hindi rin ako tumigil sa binibigay kong chess lessons kay Shawn na paalis na rin ng Pilipinas.

Ang dami nang nangyari nitong bakasyun kong ito pero hindi ko rin naisulat sa blog na ito.

Nabawasan nga ng husto ang chess time ko online: chesscube at chessDOTcom.

Alikabok na nga ang pinagpag ko nung binuksan ko ang blog na ito. Yung mga agiw kinailangan ko na ring walisin.

Ano-ano nga ba ang mga nangyari sa akin ngayon?

Nag-recital si Freedom para sa piano lessons nya, nag-basketball lessons sina Miguel at Freedom. Ang daming field trips at ang daming household chores. Kinasal ang isa sa pinakamatalik kong kaibigan at si misis inanyayahang umawit ng ilang kanta. Syempre ihahatid at susunduin ko sa mga praktis nya kasama ang mga ka-banda nya. Malayu-layu din yung praktisan nila. Tapos host pa kami ng 1st Kids Art group dito sa lugar namin. Ang dami.

Lahat ng ito buhay ng isang ama.

Pero hindi rin kailanman mawawala ang pagmamahal ko sa pagsusulat. Mapa-Ingles o Filipino   kailangan kong mailabas ito.

No comments:

Post a Comment

Related Posts Plugin for WordPress, Blogger...

Free Internet Chess Server

FICS: Free Internet Chess Server